စိတ်ကြည်လင်ငြိမ်းချမ်းမှုဟူသည် အသိဥာဏ်ပညာမှ ထွက်ပေါ်လာ သည့် ကျောက်မျက်ရတနာ တစ်ပါး ဖြစ်သည် ။ ။ ငြိမ်းချမ်းခြင်း သည် မိမိကိုယ့်ကို စောင့်ကြည့် ထိန်းချုပ်သော အလုပ်ကို နှစ်ရှည်လများ လုပ်ကိုင်ခဲ့ခြင်း၏ အကျိုးရလဒ်လည်း ဖြစ်ပေ သည်။ စိတ်ကြည်လင် ငြိမ်းချမ်းခြင်းသည် အတွေ့အကြုံ ရင့်ကျက်မှု ကို ပြသည်။
မိမိကိုယ်ကို အတွေးအကြံမှ ဖြစ်ပေါ်လာသော သူဟူ၍ သိမြင်နားလည်လာသည်နှင့်အမျှ လူသည် တည်ငြိမ်အေးချမ်းမှု ရှိလာ သည်။ ထိုသို့ သိသောသူသည် အခြားသူများအားလည်း သူတို့အတွေးအကြံ အသီးသီး၏ ရလဒ်များ အဖြစ်နားလည်သဘောပေါက်ကာ မှန်ကန်စွာ သုံသပ်ရှုမြင်နိုင်လာသည်။ ထိုအခါ သူသည် စိတ်ဂနာမငြိမ်ခြင်း၊ ယောက်ယက်ခတ်ခြင်း၊ ဒေါသအမျက်ထွက်လွယ် လှုပ်ရှား ထကြွလွယ်ခြင်း များ လျော့ပါး ပျောက်ကွယ်သွားလိမ့်မည်။ စိုးရိမ်ကြောင့်ကြနှင့် သောက ဗျာပါဒများလည်း ကင်းပကာ က္ကနြေ္ဒသမ္ဖတိရှိသူ၊ မယိမ်းမယိုင် ကြံ့ခိုင်သူ၊ တည်ငြိမ်အေးချမ်းသူ ဖြစ်လာပေမည်။
စိတ်တည်ငြိမ်အေးချမ်းကာ မိမိကိုယ်ကို ထိန်းချုပ်နိုင်စွမ်းရှိသူသည် သူတစ်ပါးတို့နှင့် အသင့်တင့် အလျောက်ပတ်ဆုံး ဆက်ဆံမှု ပြုတတ်၏။ သူနှင့်ဆက်ဆံရသူများ သည် သူ၏က္ကနြေ္ဒရှိမှု၊ ဖြောင့်မတ် တည်ကြည်မှု တို့ကို အသိအမှတ်မပြုဘဲ မနေနိုင်။ သူ့စိတ်ဓါတ် ကို လေးစားကြည်ညိုကာ သူ့အား အတုယူ နည်းမီလောက်သူ၊ အားကိုးယုံကြည်လောက်သူဟူ၍ ခံယူလာကြမည် ဖြစ်သည်။
လူသည် စိတ်ကြည်လင် ငြိမ်းချမ်းမှု ရှိလေ သူ၏ အောင်မြင်မှု၊ သူ၏ သြဇာရှိန်ဝါ နှင့် သူ၏ သတ္တိ စွမ်းအားတို့ ပို၍ ကြီးမား လာလေ ဖြစ်သည်။လူအများတို့အနေဖြင့် တည်ကြည်ငြိမ်းအေးသော သွင်ပြင်မူရာ ရှိသူတို့နှင့်သာ ပို၍ ဆက်ဆံချင်တတ် ကြသော ကြောင့် ပင်တည်း။
တည်ကြည်ငြိမ်းအေးသောသူသည် အစဉ်နှစ်သက်ခြင်း၊ ကြည်ညိုလေးစားခြင်း ခံရမြဲဖြစ်သည်။ သူသည် ပူပြင်းခြောက်သွေ့ သော အရပ်၌ ရှိနေသည့် အရိပ်အာဝါသကောင်းသော သစ်ပင်ကြီးတစ်ပင်နှင့် တူသည်။ မုန်တိုင်း တိုက်ခတ်ချိန်၌ ခိုလှုံရာ ကျောက်တောင် အကွယ်အကာတစ်ခုနှင့်လည်း တူသည်။
ငြိမ်းအေးသော နှလုံးသား၊ ချိုသာသော စိတ်ထားနှင့် တည်ငြိမ်မျှတသော် ဘ၀တစ်ခု ပိုင်ဆိုင်ထားသူ အား အဘယ်သူ မနှစ်သက်ဘဲ ရှိအံ့နည်း။ မိုးရွာသည်ဖြစ်စေ၊ နေသာသည်ဖြစ်စေ၊ အခြား မည်သည့် အပြောင်း အလဲပင်ပေါ်ပေါက်ပါစေ ကြည်လင်ငြိမ်းချမ်းသော စိတ်နှလုံး ပိုင်ရှင်ကား အစဉ်ရွှင်ပျမည်၊ တည်ငြိမ်မည်၊ ကျက်သရေ ရှိနေမည်သာဖြစ်သည်။
ပြင်ပပတ်ဝန်းကျင်ရှိ ကျွန်ုပ်တို့ တွေ့ထိသိမြင်နေသူထဲတွင် ရုတ်တရတ်ဒေါသ ၀ှန်ကဲ ပေါက်ကွဲခြင်း ကြောင့် သာယာလှပသော အနေအထားတစ်ခုကို လျှပ်တစ်ပြက် ဖျက်ဆီးမိခဲ့သူတွေ၊ စကားလွန် နှုတ်ကျွံ့မှုကြောင့် မလိုလားအပ်သော ပဋိပက္ခတွေ အငြိုးအာဃာတ များ ပွားများခဲ့ရဖူးသူတွေ အဘယ်မျှ ရှိခဲ့ပါသနည်း၊ မိမိကိုယ်ကို မထိန်းချုပ်လိုက်နိုင်သည့် အတွက်ကြောင့် ဘ၀တစ်ခု လုံးပျက်သုဉ်းခဲ့ ရသူ၊ သာယာချမ်းမြေ့ခြင်းနှင့်ကင်းဝေးခဲ့ရသူတွေ မည်မျှရှိပါမည်နည်း။
မိမိကိုယ်ကို ထိန်းသိမ်းနိုင်ခြင်းသည် ခွန်အားရှိခြင်းဖြစ်သည်။ မှန်ကန်သော အတွေးသည် ဦးစီး ကြီးမှူးနိုင်စွမ်းရှိစေ၍ တည်ကြည်ငြိမ်းအေးခြင်းကား တန်းခိုးရှိန်ဝါ ကြီးမားစေပေသည်။ လောက၌ တန်းခိုး စွမ်းအား ကြီးမားသူ ဖြစ်ရန်အတွက် သင့်နှလုံးသား အား တည်ငြိမ်ပါ၊ အေးဆေးပါ၊ ငြိမ်းချမ်းမှုရှိပါ ဟူ၍သာ အမြဲတိုက်တွန်းစကား ဆိုပါလေ…။
ကျွန်ုပ်တို့၌ ခိုင်ခံ့တည်ငြိမ်သော စိတ်မရှိသည့်အခါ ပစ္စုပ္ဖန်အလုပ်၊ ပစ္စုပ္ဖန်ဖြစ်ရပ်တို့၌ စူးစိုက်နိုင်ခြင်း မရှိဘဲ အတိတ်၊အနာဂါတ်သို့ စိတ်သည် ပျံ့လွင့် သွားတတ်၍ ငြီးငွေ့ခြင်းများ ၊ ပျင်းမုန်းခြင်းများ၊ အလိုမကျခြင်း များ ဖြစ်ပေါ်လာတတ်လေသည်။ ထို့ပြင် စိတ်၏ ခိုင်ခံ့မှု မရှိသည့်အခါ နောင်တတရားတိုကို ပယ်ဖျောက်ရန် လည်းကောင်း၊ ပြုမှားမိခဲ့ခြင်းများကို မေ့ပျောက်နိုင်ရန်လည်းကောင်း၊ ရှက်ရွံ့ဖွယ် ကြုံခဲ့ခြင်းများ ကို ထုတ်ပယ်ပစ်ရန် လည်ကောင်း မတတ်နိုင်ဘဲ စိတ်၏ မငြိမ်းအေးခြင်းတို့သာ ထပ်တလဲလဲ ဖြစ်ပေါ်လာလေသည်။
စူးစိုက်ရာတစ်ခုခု၌ စိတ်ကို စူးစိုက်လေ့ကျင့်ခြင်းဖြင့် ရလာသော ခိုင်ခံ့သည် စိတ်ကို ကျွန်ုပ်တို့ အလုပ်၊ ဖြစ်ရပ်၊ စွမ်းဆောင်မှုတို့၌ အသုံးချပါက လေလွင့်တတ်သည့် စိတ်တို့ လျှော့ပါးသွားနိုင်သည်။ထိုအခါ ကြည်သာမှုဖြင့် ပြေပြေလွင်လွင် လုပ်ကိုင်ဆောင်ရွက်လာနိုင် သည် ကိုလည်း ကြုံရပေလိမ့်မည်။
လူမှု ပြသာနာများ၊ အဆင်မပြေမှုများ ပေါများလှသည့် ဘ၀၌ ကြည်သာချမ်းမြေ့မှု ၊ ငြိမ်းအေးပြေ လွင်မှု ရချိန်သည် ကျွန်ုပ်တို့၌ နည်းပါးလှ၏။ လူမှုပြသာနာများကို မေ့နိုင်ရန် ကာမဂုဏ် အာရုံတို့၌ ပျော်စရာ များကို ရှာကြရ၏။ သို့ရာတွင် ထိုပျော်စရာတို့ ဆုံးသည့်အခါ မကျေမချမ်းမှု ပူပင်သောက တို့ အတွင်း သို့ပင် ပြန်၍ ရောက်သွားကြပြန်သည်။ စိတ်စူးစိုက်ခိုင်ခံ့တည်ငြိမ်မှု ကျင့်စဉ် ကို လေ့ကျင့်ထားသော ပုဂ္ဂိုလ် မှာမူ စူးစိုက်စ၇ာ တစ်ခုခု၌ စိတ်ကို စူးစိုက်နေခြင်းဖြင့် စိတ်၏ ငြိမ်းအေး ပြေလွင် မှု ကို အများဆုံး ရယူလျက် ရှိ၏။ ထိုသို့ အလေ့ အကျင့် များလာသော ပုဂ္ဂိုလ်၌ ပြုဆဲ၊ လုပ်ဆဲ အလုပ်ကိစ္စတို့ကြားမှ လွတ်နေသော အချိန် ကလေးတို့၌ပင် မိမိစူးစိုက်လေ့ကျင်ထားသော အာရုံနမိတ်ကို ဖော်ယူ၍ စူးစိုက်နေရန် တတ်နိုင်ကြ သည်။ ထိုအခါ စိတ်သည် လေလွင့်မှု၊ စိုးရိမ်သောကဖြစ်မှု၊ မကျေချမ်းမှုတို့မှလွတ်ကာ ငြိမ်းအေး ပြေလွင်ခြင်း ကို ရလျက် လုပ်ဆဲ အလုပ်၌လည်း ကြည်သာစွာ လုပ်ကိုင်လာနိုင်လေသည်။
..........................
(ဆရာ ဖေမြင့် ၏ သင့်စိတ်အတွေးအကြံများအတိုင်းသာ စာအုပ်နှင့်ဆရာ နန္ဒာသိန်းဇံ ၏ စိတ်အဆင့်ဆင့် မြင့်တတ်ခြင်း စာအုပ်များမှ
သူငယ်ချင်းများအား စိတ်ဓါတ်ခွန်အား ပေးလိုသော စေတနာဖြင့်စုဆောင်းမျှဝေခြင်း ဖြစ်ပါသည် )
ခင်မင်လေးစားလျက်..
No comments:
Post a Comment