2 3 4 5 6 7 8 9 10

Saturday, March 28, 2015

ဂီတ အနုပညာ၏တန်ဖိုး




“လူတို့နှလုံးသား အမုန်းမပွားကြဖွယ်..၊ မေတ္တာဆွတ်ဖြန်း အချစ်ပန်းလှိုင်ကြွယ်..၊ အကြင်နာတရားတွေ ထားမှ စိတ်ထားမြတ်မယ်..၊ စေတနာတွေ မိုးဆွေရွာ ဖြိုးဝေပါကွယ်..၊ နှလုံးသားဝယ် အမုန်းတရားကွယ်..၊ အပြုံးများကြွယ် .. လှစေဖွယ်..”
“ စိန်ရွှေ ရတနာ နီလာပုလဲ..၊ စီကာဆွဲမှ လှမယ် မထင်ဖွယ်၊ အလှဆိုတာ အစဉ်အမြဲ…သင်္ခါရပဲကွယ်၊ ရိုးသားသိမ်မွေ့ သဘောကဖြူစင်..၊ လောကကို အလှဆင်နိုင်လိမ့်မယ်.၊ အစဉ်အမြဲဘ၀ လှပရေးကွယ်..၊ ရင်ထဲက အလှသာရွေးချယ်..၊ အပြုံးလှလှ ပြုံးကြပါမယ်ကွယ်.. အမုန်းစကားမဆိုကြ အစဉ်သာတကယ်..၊ နှလုံးသားကို အလှဆင်ပါကွယ်..”
နံနက်ခင်းရဲ့ အလှကို သည်လို ကျက်သရေမင်္ဂလာရှိလှတဲ့ တေးသံစဉ်တွေနဲ့ အတူ ခံစားနားဆင်ရတဲ့ အရသာဟာ တကယ်ပဲ စိတ်အေးချမ်းဖွယ် ကောင်းပါတယ်။
ကျွန်တော်ငယ်ငယ်က အမေက သီချင်းဆိုသိပ်လေ့ရှိတယ်။ “လူကလေးရယ်ငို၊ ခိုဖမ်းလို့ ပေး၊ ခိုဖြူခိုပြာနက်ကယ် ဖမ်းခက်လှသေး” အမေ ဒီသီချင်းဆိုတိုင်း ခိုဖမ်းတာ  တခါမှ ခို မမိပေမယ့် အမေ့ရဲ့ စည်းချက်အသံအနိမ့်အမြင့်အောက်မှာ ကျွန်တော် အေးချမ်းစွာ အိပ်ပျော်ခဲ့ရတဲ့ညတွေ မနည်းပါဘူး။ လူတွေဟာ ငယ်စဉ်ကလေးကတည်းက သောတအာရုံခံစားမှုနဲ့ အတူ ဂီတအပေါ်မှာ မသိမသာ ပျော်ဝင်လာတတ်ခြင်းပါ။ အရွယ်ရောက်လာတဲ့အခါ အဖေကိုယ်တိုင် ၀ယ်ပေးခဲ့သော ဂစ်တာလေးတစ်လက်ဟာလည်း ကျွန်တော့်ဘ၀၏ တန်ဖိုးအထားရဆုံး အမှတ်တရဖြစ်မိတဲ့ ပစ္စည်းတစ်ခုပဲပေ့ါ။
သာယာငြိမ့်ညောင်းတဲ့ ဂီတအပေါ် အသံနေအသံအထားအပေါ်မှာ လူတွေဟာ ပျော်ရွှင်ကြတယ်၊ အလေးထားတတ်ကြတယ်ဆိုတဲ့ သဘောကို ဆရာဦးအောင်သင်းဟောတဲ့ စာပေဟောပြောပွဲတစ်ခုမှာ ကျွန်တော်နားထောင်ဖူးစဉ်က သံပရာသီးရောင်းသမားလေးအကြောင်းကို အမှတ်ရမိသေးတယ်။ ဆရာဟောတာက လူတွေဟာ အလှအပအပေါ် အနုပညာအပေါ် ခံစားချင် ပျော်ဝင်ချင်ကြတယ်ဆိုတာပေ့ါ။ သံပုရာသီး ရောင်းသမားက သမရိုးကျ အော်ရောင်းမယ်ဆိုရင်ပေ့ါ။ “သံပုရာသီးဟေ့၊ သံပုရာသီး တစ်လုံး ၅ ပြား၊ ၀ယ်ချင်ရင် ၀ယ်၊ မ၀ယ်ချင်ရင်နေ..” ဆိုရင်….  “ ဟ.. ဘာလဲဟ.. ရောင်းတာက သံပုရာသီး..အသံက ချဉ်စုပ်စုပ်နဲ့  ရိုက်လွှတ်လိုက်ရမလား ဖြစ်မှာပဲပေ့ါ။ ဒါပေမယ့် သံပုရာသီးသည်က ဒီလိုမအော်ဘူး..သူက အသံနေအသံထားနဲ့  အသံအနိမ့်အမြင့်နဲ့  စာချိုးစာကျနဲ့ လာတာတဲ့။ ငယ်ငယ်က ကလေးလေးတွေ မူလတန်းစာပုဒ်လေး အော်ဖတ်သလိုပေ့ါဗျာ။
“ သံပုရာသီး..သံပုရာသီး…တစ်လုံး….. ၅ ပြား၊ ၀ယ်ချင်ရင်…… ၀ယ်၊ မ၀ယ်ချင်ရင်….နေကြ၊ အဝေးကြီးရောက်မှ လှမ်းမခေါ်နဲ့၊ ပြန်မလာတော့ဘူး”
အသံနေအသံထားကောင်းလွန်းတော့.. ဆရာဦးအောင်သင်းက သူ့ရဲ့  ပုံမှန်အားပေးနေကြ ဖောက်သည်တစ်ဦး ဖြစ်သွားခဲ့တာပေ့ါ။

အသံသာယာမှုကို လူတိုင်းကလိုချင်ကြပါတယ်.။  ဇာတ်တော်တွေထဲမှာ ဖတ်ဖူးမိတာ တစ်ခု အမှတ်မိရတယ်။ ကရ၀ိတ်ငှက်ရဲ့ အသံဟာ သူ့အသံကြားမိသူတိုင်းက နောက်ထပ်မကြားရမနေနိုင်လောက်အောင်ကို စိတ်နှလုံးညွှတ်နူးပျော့ပြောင်းစေတယ် တဲ့။ ကရ၀ိတ်ငှက်အသံတောင် ဒီလောက်ကောင်းနေရင် လောကမှာ အတုမရှိတဲ့ ဘုရားရှင်ရဲ့ အသံတော်ဟာ ဘယ်လောက်တောင်များ သာယာနာပျော်ဖွယ်ကောင်းလိုက်မလဲပေ့ါ.။ နောက်ထပ်ဇာတ်တော်လာ ဂီတအသံတွေထဲမှာ ဖတ်ဖူးတာ ပဉ္စသိင်္ခ နတ်စောင်းသံ..။ သူ့ ရဲ့ စောင်းသံများတီးလိုက်ရင် ကြားမိသမျှ နတ်ကညာ၊ နတ်တကာ၊ လူတကာတို့ ပုံမှန် ရပ်တည်ခြင်း မစွမ်းနိုင်ပဲ ငေးမှိုင်ချ ရတယ်ဆိုပဲ။

Friday, March 27, 2015

ပျဉ်းမငုတ်တို



ပျဉ်းမငုတ်တို
ဖုထစ်ရွတ်တွ ငှက်ဠင်းတသို့
ပျဉ်းမငုတ်တို သက်ကြားအိုသည်
ကုန်းမိုထက်တွင် တပင်တည်း…။
ခွဆုံအကွေး သစ်ကိုင်းဆွေးလည်း
အဖေးတက်လာ  အိုင်းအမာသို့
ကျယ်စွာဟက်ပက် ခြအိမ်ပျက်…။
ကုန်းမိုးကမ်းပါး မြေပတ်ကြားတွင်
စစ်သားခမောက် ပိန်ခြောက်ခြောက်လည်း
စစ်ရောက်စခန်း လက်ပြညွှန်း…။

ထိုပင်ငုတ်တို ပျဉ်းမအိုသည်
စစ်ကိုလည်းကြုံ ခြအုံလည်းဖြစ်
ဓားထစ်လည်းခံ နေလျှံလည်းတိုက်
လေပြင်းခိုက်လျက် မငိုက်ဦးခေါင်း
နွေသစ်လောင်းသော်
ရွက်ဟောင်းညှာကြွေ ရွက်သစ်ဝေ၍
လေပြည်ထဲတွင် ငယ်ရုပ်ဆင်သည်
အသင်ယောက်ျား ကောင်းတကား။    ။
                                 မင်းသုဝဏ်


…………………..
ပျဉ်းမငုတ်တို ကဗျာသည် The Worlds Great living Poets အမည်ရှိ အမေရိကန်နိုင်ငံထုတ်
ကမ္ဘာ့သက်ရှိကဗျာဆရာကြီးများ ကဗျာစာအုပ်တွင် ပါဝင်ခဲ့သည်။

★ BIA/ BDA ခေတ် စစ်သီချင်း ★

တော်လှန်ရေးနေ့ ဆုတောင်း





ငါ့ညီပြောင်ဝင်း၊ မောင်သစ်ဆင်း
သင်တို့စိတ်ပြောင်း၊ တို့လည်းပြောင်း၏
မကောင်းအစ နှောင်းမလှ။
အကြောင်းပြကြ တပေါင်းလ။
ကဇောင်းကထ ခါးတောင်းမ။
ထိုသတင်းကြောင့်
မြို့တွင်းတပ်စွဲ၊ နိပွန်ရဲတို့
မြို့ထဲ သူ့တပ်၊ မြို့ကိုပတ်၏
လှံစွပ် နေရောင်၊ တပြောင်ပြောင်နှင့်
အာပေါင် အာရင်း၊ အာသံပြင်းနှင့်
နင်းမှ နှိမ်မှ၊ စစ်မာန်ပြ၏
အာရှလူငယ်၊ လူမမယ်တို့
အံ့ဖွယ်နေနီ၊ တို့စစ်သည်ကို
ရုံးရည်ဖက်ပြိုင်၊ ဘယ်ခံနိုင်အံ့
လှန့်လည်း လှန့်၏
မခန့်စတောင်း၊ အဟန့်ကောင်းတို့
ကဇောင်းရွာဆီ၊ တိုက်မည်ချီသော်
မြို့ပေါ်ကျန်ရှိ၊ မိရင်းဘရင်း
သားချင်းတ၀၊ ကြင်နာစတို့
ညှိုးလှမျက်နှာ၊ မသာယာကို
ငါလည်း မြင်မိ မခံချိ။
တစ်ရက် နှစ်ရက်၊ သုံးလေးရက်တည့်
နိပွန်တပ်ခေါက်၊ ပြန်မရောက်ခဲ့
နောက်ထပ်တစ်ဖန်၊ ဆယ်ရက်လွန်လည်း
နိပွန်ခြေရာ၊ တက်မလာခဲ့
“ကြားပါလေစ၊ အိုအမတို့
‘မိုးကျလက်နက်’ *၊ လူငယ့်လက်တွင်      ( * မဟာမိတ်တပ်မှ လေယာဉ်ဖြင့် ချပေးသော သေနတ်ကို ဆိုလိုသည်။ )
စကြာနေနီ၊ ကဇောင်းဆီဝယ်
ချီသမျှမြုပ်၊ တပ်မရုပ်ဘဲ
အပြုတ်ခံကြ၊ ဇာနေယျ” ဟု
ချီးပစကား၊ ကြားလိုက်ရသော်
မြို့ တော်တိုကျို၊ မြို့ထိုထိုက
အိုအို မင်းမင်း၊ မိရင်း ဘရင်း
သားချင်းကစ၊ အိမ်ရှင်မတို့
ညှိုးလျမျက်နှာ၊ မသာယာကို
ငါ့မှာ တွေးကြည့် ကြေကွဲမိ။
ငါ့ညီပြောင်ဝင်း၊ မောင်သစ်ဆင်း
သင်းတို့စိတ်ဝယ်၊ နယ်ချဲ့စိုးမိုး
မုဆိုးစင်စစ်၊ မဖြစ်စေချင်
ငါတို့တွင်လည်း
ဘ၀င်မကျ၊ ဘ၀မပြောင်
သားကောင်စင်စစ်၊ မဖြစ်စေလို
ကွင်းရလို၏
ကြာညိုငါးခိုင်၊ အမွှေးတိုင်နှင့်
ညွှတ်ယိုင်ဆုခြွေ၊ အမျှဝေသည်
မွေတော် တိဂုံရိပ်မှာတည်း။           ။


ဇော်ဂျီ ( ၁၉၆၈ )


Thursday, March 26, 2015

တို့တိုင်းပြည် ( ဇော်ဂျီ )



ထလော့မြန်မာ၊ အိုမြန်မာတို့
တို့ရွာ တို့မြေ၊ တို့ရွာမြေ၀ယ်
စေတီ စပါး၊ များလည်း များ၏
များပါလေလဲ၊ တမွဲမွဲနှင့်
ဆင်းရဲကာသာ၊ ကာလကြာလျှင်
ယာစကာမျိုး၊ တညှိုးညှိုးနှင့်
ပုထိုးမြင့်မောင်း၊ ကျောင်းကြို ကျောင်းကြား
လှည့်လည်သွားလျက်
မစားလေရ၊ ၀မ်းမ၀၍
ဆွမ်းမျှ မတင်နိုင် ရှိမည်တည်း..။

ထလော့ မြန်မာ၊ အို မြန်မာတို့
တို့ရွာ တို့မြေ၊ တို့ရွာမြေ၀ယ်
ရေချိုသောက်ရန်၊ မြစ်ချောင်းကန်နှင့်
သီးနှံချိုပျား၊ များလည်း များ၏
များပါလေလဲ၊ တမွဲမွဲနှင့်
ဆင်းရဲကာသာ၊ ကာလကြာလျှင်
မြင်သာမြင်ရ၊ မစားရ၍
တောကပြိတ္တာ ဖြစ်မည်တည်း။

ထလော့မြန်မာ၊ မြန်မာထလော့
အားမပျော့နှင့်၊ မလျော့လုံ့လ
သူကစ၍၊ ငါကအားလုံး
လက်ရုံးမြားမြောင်၊ ဉာဏ်မြားမြောင်နှင့်
စွမ်းဆောင်ကြလေ၊ ဆောင်ကြလေလော့
ဤမြေ ဤရွာ၊ ဘယ်သူ့ရွာလဲ
ဤယာစပါး၊ ဘယ်သူ့စပါးလဲ
ထားလော့တာဝန်၊ ပွန်လော့ လုပ်ငန်း
ဉာဏ်ရှေ့ပန်း၍
တစ်ဝမ်းတစ်စိတ် ညီစေသတည်း။      ။

ဇော်ဂျီ ( ၁၉၃၅ )

ကမ္ဘာသစ် မြန်မာ Fan Page


Wednesday, March 25, 2015

ဗုဒ္ဓဘာသာ နှင့် လူမှုဆက်ဆံရေး

 



            ❖ ဗုဒ္ဓဘာသာ နှင့် လူမှုဆက်ဆံရေး (၁)

လူ့ဘောင်ပတ်ဝန်းကျင်တွင် အချင်းချင်းအပြန်အလှန်ဆက်ဆံကြရာ၌ နားလည်မှု၊ ယုံကြည်မှု၊
စရိုက်တူမှု တို့ဖြင့် ပေါင်းသင်းကြသည်။ သို့သော်တူညီမှသာ ပေါင်းသင်းဆက်ဆံနိုင်မည်ဆိုလျှင်
စစ်မှန်သော လူမှုဆက်ဆံရေးမဖြစ်နိုင်ပါ။ လူအမျိုးအမျိုးစိတ်အထွေထွေဆိုသည့်အတိုင်း တစ်ယောက်နှင့်
တစ်ယောက် သည်မတူညီနိုင်ပါ။ မတူနိုင်သော စရိုက်၊ စိတ်ဓါတ်၊ပတ်ဝန်းကျင်ကို တူညီသမျှ တူညီအောင် ညှိနိုင်မှသာ လျှင် ကောင်းမွန်သော လူမူဆက်ဆံရေးဖြစ်နိုင်ပေမည်။
ဗုဒ္ဓဘာသာတွင် ဗုဒ္ဓမြတ်စွာသည် လူမှုဆက်ဆံရေးနယ်ပယ်တွင် အဆင်ပြေနိုင်စေရန် (၃၈) ဖြာ မင်္ဂလာ
တရားကိုဟောကြားခဲ့သည်။ ကြီးသူကို ရိုသေ၊ ရွယ်တူကိုလေးစား၊ ငယ်သူကို သနား ဟု အစဉ်အလာ
ရှိခဲ့ပါသည်။ ကြီးသူကိုရိုသေခြင်းတွင် ရာထူးဂုဏ်သိန်အသက်ကြီးသောသူကို ရိုသေရမည်ဆို ခြင်းထက် မိမိတို့၏ စိတ်အတွင်းသာ ယဉ်ကျေးမှုကို ရိုသေပြရခြင်းပင်ဖြစ်သည်။ ရွယ်တူ၊ ငယ်သူများတွင်လည်း ထို့အတူပင် ပုဂ္ဂိုလ်ပိုင်းကို လေးစား၊ သနားရခြင်းထက် မိမိတို့၏ စိတ်ဓါတ်ယဉ်ကျေး မှုကို ဂရုစိုက်ရခြင်း
 ဖြစ်သည်။ ထို့ကြောင့် အပြင်ပိုင်းတွင် လူအချင်းချင်းမှု၍ ဆက်ဆံရခြင်းထက် မိမိတို့၏ စိတ်ဓါတ်
ယဉ်ကျေးမှုကို မှုတည်၍ ဆက်ဆံရခြင်းက ပို၍ကောင်းမွန်ပါသည်။

မိမိတို့ထက် အသက်ဂုဏ်ဝါကြီးသာရှေ့တွင် ခေါင်းငုံ၍ ကိုယ်ကို ကိုင်းညွတ်ကာသွားခြင်းသည် ထိုကြီးသူကို ရိုသေခြင်းလား..မိမိ၏ စိတ်ယဉ်ကျေးမှုကို ရိုသေခြင်းလား ဟုစဉ်စားရပေမည်။
လူမှုဆက်ဆံရေးကောင်း မွန်မှုကို မိမိတို့ ဗုဒ္ဓဘာသာတွင် ကိုယ်ဟန်အမူအရာ၊ နှုတ်ပြောဆိုမှု
 ကောင်းခြင်းဖြင့် မပြည့်စုံသေးပါ။ အဆင်ပြေညီညွတ်စွာ ပြောဆိုလှုပ်ရှားခြင်းနှင့်သာဆိုလျှင် ဟန်ဆောင်မှု သက်သက်သာ ဖြစ်နိုင်ပါသည်။ လူတစ်ဦး တစ်ယောက်ကို အပြင်ပန်းတွင် အကောင်းဆုံးပေါင်းသင်း
ဆက်ဆံပြီး အတွင်းပန်းတွင် မကြည်ဖြူမနှစ်သက် လျှင် မှန်သော ကောင်းသော ဆက်ဆံရေးမဖြစ်နိုင်ပါ။
 မိမိတို့ ဗုဒ္ဒဘာသာတွင် ကိုယ်၊နှုတ်၊စိတ် သုံးပါးညီညွတ်သော လူမှုဆက်ဆံရေးကိုသာ
ဗုဒ္ဓမြတ်စွာဟောကြားခဲ့ပါသည်။
လူမိုက်နှင့်မပေါင်းနဲ့၊ ပညာရှိလူလိမ္မာနှင့်ပေါင်းသင်ပါ ဟု မင်္ဂလာသုတ္တန်တွင် ပါ၏။ ထိုပေါင်းသင်း
ဆက်ဆံရေးကို ဗုဒ္ဓမြတ်စွာသည် အပေါ်ယံပိုင်းတွင်သာမက အတွင်းပိုင်းကို ထွင်းဖောက်၍မြင်ကာ
 ပေါင်းသင်းဆက် ဆံစေခဲ့ပါသည်။ လူမိုက် နှင့် လူလိမ္မာကို မိမိတို့သည် လူမိုက်လက္ခဏာ လူလိမ္မာ
လက္ခဏာတို့ဖြင့် အမှန်ဆုံးခွဲခြားနိုင်မည် မဟုတ်ပါ။

Tuesday, March 24, 2015

ခေတ်မီခြင်းနဲ့ ခေတ်ဆန်ခြင်း ( လူထုစိန်ဝင်း )


    ရန်ကုန်မြို့လယ်မှာ အင်္ဂလိပ်စကားပြောသင် ဆရာ အဖြစ် နှစ်ပေါင်း ၂၀ ကျော် လုပ်ခဲ့တာကြောင့် ရွှေမြို့တော်ကြီး ရဲ့  “ရေပေါ်ဆီ” လို့ သတ်မှတ်နိုင်တဲ့ အလွှာထဲက လူငယ် လုံမငယ်လေးတွေနဲ့ အထိအတွေ့ များပါတယ်။
    ၁၉၈၀ လောက်ကဆိုတော့ ခုခေတ်လို ကုမ္ပဏီတွေဘာတွေ  ရှိကြသေးတာ မဟုတ်တဲ့အပြင် နိုင်ငံခြားသွားဖို့ အခွင့်အလမ်း ကလည်း အလွန်နည်းတာကြောင့် အင်္ဂလိပ်စကားပြော သင်တာ ခေတ်မစားလှသေးပါဘူး။ အဲဒီကာလက နိုင်ငံခြားသွားခွင့် ရနေတာက သင်္ဘောသားနဲ့ ဆရာဝန်တွေသာ များပါတယ်။ ဒါကြောင့် သင်တန်းလာတတ်တဲ့ အထဲမှာ ဆရာဝန်နဲ့ ဆေးကျောင်းသားတွေ၊ သင်္ဘောသားတွေနဲ့ သင်္ဘောလိုက်ဖို့ ကြိုးစားနေသူတွေ၊ သင်္ဘောအင်ဂျင်နီယာ အင်ဂျင်ကဒက် လုပ်ဖို့ ကြိုးစားနေသူတွေ များပါတယ်။ ဒီလူတွေအားလုံး အများအားဖြင့် ရန်ကုန် ရွှေမြို့တော်ရဲ့  လူကုံထံ အသိုင်း အ၀ိုင်းကသာ ဖြစ်တတ်ကြပါတယ်။

    လူကုံထံ အသိုင်းအ၀ိုင်းက ဆိုတော့ သုံးနိုင်၊ စွဲနိုင်၊ စားနိုင်၊ သောက်နိုင်ကြရုံလောက်သာမက ဖြုန်းလည်း ဖြုန်းနိုင်ကြ ပါတယ်။ ၀တ်တာစားတာလည်း ခေတ်ဆန်ဆန် ကောင်းပေ့ဆိုတာမှန်သမျှ မရိုးရအောင် ခါးပေါ်တင်နိုင် ကြပါတယ်။ ကြည့်လိုက်ရင်တော့ တကယ့် မြို့ကြီးသူ မြို့ကြီးသားတွေပါပဲ။ ကမ္ဘာနဲ့ ရင်ပေါင်တန်းနိုင်သူတွေလို့ ထင်စရာ ပါပဲ။

Monday, March 23, 2015

သားမြတ်သမီးမြတ်ရတနာ ဖြစ်ဖွယ်ရာ




သားမြတ် သမီးမြတ် ရတနာများဖြစ်ကြောင်း အင်္ဂါရပ် (၅) ပါးရှိပါသည်။ ထိုအင်္ဂါရပ်(၅)ပါးတို့မှာ-
သားငယ်သမီးငယ်တို့သည် ငယ်စဉ်အခါကပင် -

   (၁) အလှူဒါနပြုလုပ်ခြင်း၌ ၀ါသနာရှိခြင်း၊
   (၂) တရားဓမ္မကျင့်ခြင်း၌ ၀ါသနာရှိခြင်း၊
   (၃) ဟုတ်မှန်ရာဘက်၌ ရဲရင့်သော စိတ်ဓါတ်ရှိခြင်း၊
   (၄) အတတ်ပညာ သင်ယူရာ၌ စွဲမြဲသော စိတ်ဓါတ်ရှိခြင်း
   (၅) စီးပွားဥစ္စာရှာရာ၌ စွဲမြဲသောစိတ်ဓါတ်ရှိခြင်း ဟူ၍ဖြစ်ပါသည်။



  မြတ်မင်္ဂလာစာစောင် အတွဲ-၂၇ ၊ အမှတ် -၁ ၊၂၀၁၁ ဇူလိုင်လမှ..
  Posted by moongirl

Sunday, March 22, 2015

ကောင်းသောစကားရှိခြင်း ( ဆရာတော် ဦးဇောတိက )


သုဘာသိတာစ ယာဝါစာ..
ကောင်းသောစကားရှိခြင်းသည်  မင်္ဂလာ တစ်ပါး..

လောကမှာ စကားကို ကောင်းကောင်းမွန်မွန် ပြောတတ်ဖို့ 
အင်မတန်လိုပါတယ် ၊အရေးကြီးပါတယ်၊ စကားပြောမတတ်လို့ 
ပြဿ       နာဖြစ်တဲ့သူတွေ ဘယ်လောက်များလဲ….။
အပြောမတတ်တော့ ဆဲသလိုဆိုတဲ့စကားရှိတယ်။ 
လောကမှာ ပြဿ      နာတွေ အများကြီးရှိတယ်။ ပြဿ      နာတွေ 
ဖြေရှင်းတဲ့အခါမှာ စကားနဲ့ဖြေရှင်းတာက အကောင်းဆုံး
နည်းလမ်းပဲ။ အခုခေတ်က လူ့အရိုင်းအစိုင်းခေတ် မဟုတ်ဘူး။ 
ရေရှည်ပြဿ      နာ မပြေလည်ပါဘူး။ ပြဿ     နာပြန်ဖြစ်ရတာပဲ။ 
ကိုယ့်အယူအဆ ကိုယ့်အတွေးအခေါ်ကို   နောက်
တစ်ယောက်ကို ပြောမယ်ဆိုရင်တောင်မှ စကားလုံး အသုံး နှုန်းနဲ့
 ပြောပုံဆိုပုံ၊ ပြောတဲ့ စေတနာကအစ မှန်ဖို့လိုပါတယ်၊ 


စကားလေးခွန်း

ဘုရားဟောမှာလည်းပဲ မပြောသင့်တဲ့ စကား၊ မပြောသင့်တဲ့
စကား အကျဉ်းချုန်း ဟောထားတာ ရှိပါတယ်။ မှန်ကန်တဲ့စကား
အကျိုးရှိတဲ့စကား ၊ သူတစ်ပါးလည်းနာခံချင်တဲ့ စကား ၊ ကြားချင်တဲ့ 
စကားမျိုးကို ပြောပါ ။ အဲဒါကတော့ နံပါတ်တစ် အကောင်းဆုံးပဲ။ 
မှန်လည်းမှန်တယ် အကျိုးလည်းရှိတယ် သူများလည်း နားထောင်
ချင်တာကို သိပ်ကို ပြောသင့်တယ်။

မှန်တယ် ။ အကျိုးရှိတယ်။ သူများသိပ်မကြိုက်ဘူး ။ အဲဒါမျိုးကိုတော့ 
အမြဲတမ်း မပြောနဲ့ ။ ဒါပေမယ့် ပြောဖို့ လို အပ်တဲ့အခါမှာတော့ 
ပြောရမယ်။ တစ်ခါတစ်လေ ကိုယ့်သားသမီးကို ဆုံးမချင်တယ် ။ 
သူတို့ နားမထောင်ချင်ဘူး။ ဒါပေမယ့်ပြောရမယ်.။ 
ဒါမေတ္တာနဲ့ပြောတာ။ ဒေါသနဲ့ မဟုတ်ဘူး။  သူ့ကိုနှိပ်စက်ချင်လို့ 
မဟုတ်ဘူး။  သူများမှားနေတာကို  သူ့ကို မြင်စေချင်တယ်။ 
သိစေချင်တယ်။  ပြင်လိုက်မှ သူ အဆင်ပြေသွားမယ်။ အဲဒီတော့  
မေတ္တာနဲ့ ကရုဏာနဲ့ နားဝင်အောင် သွန်သင်ရတယ်။  ဆုံးမရတယ်။

မြတ်စွာဘုရားတောင်မှ ရဟန်းတွေကို  တစ်ခါတစ်လေကျတော့ 
အဲဒီလို မေတ္တာနဲ့ ကရုဏာနဲ့ တင်းတင်း ကျပ်ကျပ် ဆုံးမတာတွေ
ရှိတယ် ။
တစ်ချို့စကားတွေက မှန်တော့မှန်တယ်၊  အကျိုးမရှိဘူး၊ သူများတော့ 
နားထောင်ချင်တယ်။ အပျင်းပြေတာပေါ့။တချို့စကားတွေက
အပျင်းပြေတယ်၊ အကျိုးမရှိဘူး၊ မှန်လည်းမမှန်ဘူး။ ဘယ်နေရာ 
ဘာဖြစ်တယ်ဆိုတဲ့ သတင်းတွေ ဆိုပါတော့။ သတင်းက မှန်ပါတယ်။
ဒါပေမဲ့ သိပ်တော့ အကျိုးမရှိဘူး။ ဒါပေမဲ့ လူတွေက စိတ်ဝင်စားတယ်။
အဲဒါကိုလည်း သတိထားပြီးတော့ နည်းနည်းပါးပါးပဲ ပြောရတယ်။ 
လူ့လောကဆိုတာ မကင်းတော့ မကင်းနိုင်ပါဘူး။ အဲဒါတွေ 
အများကြီးပြောပြီး  အချိန်ကုန်တာလည်း မကောင်းဘူး။
မှန်တယ်၊ အကျိုးမရှိဘူး၊ အများနားမထောင်ချင်ဘူး။ အဲဒါလည်း 
မပြောသင့်ဘူး။ ဘာဖြစ်လို့လဲဆိုတော့ အကျိုးမှမရှိဘဲ။နားမထောင်
ချင်ရင် မပြောသင့်ဘူး။ မမှန်ဘူး၊ အကျိုးမရှိဘူး၊ သူများလည်း 
နားမထောင်ချင် တဲ့ စကားရှိတယ်။ မှန်လည်းမမှန်ဘူး။ အကျိုးလည်း
မရှိဘူး။ သူများလည်းနားမထောင်ချင်ဘူး ဆိုရင်တော့ အဲ့ဒီစကားက 
လုံးဝ မပြောသင့်တဲ့စကားပဲ။
မှန်လည်းမမှန်ဘူး။ အကျိုးလည်းမရှိဘူး။ ဒါပေမဲ့ အများကတော့ကြား
ချင်တယ်။ နားထောင်ချင်တယ်။ အဲ့ဒါမျိုးတွေကTelevision မှာလည်း 
 အများကြီးပဲ။အဲ့ဒါလည်းမပြောသင့်ဘူး။ အလကားအချိန်ကုန်တယ်။ 
လူ့ဘဝဆိုတာ အင်မတန် တန်ဖိုးရှိတယ်။ အကဲခတ်ချင်ရင် 
စကားပြောကြည့်ကိုယ်ပြောတဲ့စကားဟာ ကိုယ်ဘယ်လိုလူလဲ
ဆိုတာကို ဖော်ပြတယ်။ လူတစ်ယောက်ကို အကဲခတ်ချင်ရင် 
့စကားပြောကြည့်။သူ့ပါးစပ်က ထွက်လာတဲ့စကားကို နားထောင်ကြည်
့ရုံနဲ့ ဘယ်လိုလူလဲဆိုတာ သိနိုင်တယ်။

ဒီလူတစ်ယောက်ရဲ့ ပညာဉာဏ်အရည်အချင်းနဲ့ထိတွေ့ခံစားမှု့
ဘယ်လောက်ရှိသလဲ။ အသံနေ အသံထား ကိုလည်း အကဲခတ်
ကြည့်ရင်သိနိုင်တယ်။ စကားလုံးအသုံးအနှုန်း ဝေါဟာရကို ကြည့်ရုံ
နဲ့လည်း သိနိုင်တယ်း တစ်ချို့လူတွေဆိုရင်  Interview တွေမှာ 
အဲဒါကိုအကဲခတ်တယ်။ စကားပြောရင်း မေးခွန်းတွေ မေးသွားတယ်။ 
ယ်လိုစကားအသုံးအနှုန်းမျိုး သုံးသလဲဆိုတာ ကြည့်ပြီးတော့ 
ဒီလူ ပညာအရည်အချင်းနဲ့စိတ်ဓာတ် ဘယ်လောက်ကောင်းသလဲ 
ဆိုတာကို အကဲခတ်တယ်။

ဘုန်းကြီးလည်း လူကဲခတ်တာ အင်မတန် ဝါသနာပါတယ် ။ လူတွေကို 
စကားပြောတဲ့အခါမှာ သေသေ ချာချာ စဉ်းစားပြီး ပြောတယ်။ 
သူတို့ပြောတာကို သေချာနားထောင် သေချာအကဲခတ်တယ်။ 
သေချာ အကဲခတ် လို့ အမေရိကမှာ တစ်ချို့လူတွေ ဘုန်းကြီးဆီ 
မလာတော့ဘူး။ ထွက်ပြေးသွားတယ်။  ငါတို့အကြောင်းကို သိကုန်
တော့မယ် ဆိုပြီး လာကိုမလာတော့ဘူး။ ကိုယ့်အကြောင်းသိသွားမှာ 
သိပ်ကြောက်တယ်။ ဘုန်းကြီးက စေတနာနဲ့ အကဲခတ်တာပါနော်။

တပည့်လေးတစ်ယောက်ရှိတယ်။ သူ ငယ်ငယ်တုန်းကပေါ့။ 
သူ့ကို စကားပြောရင် ဘုန်းကြီးက သူ့စိတ်ထဲမှာ ဘာဖြစ်နေလဲ၊
ဘာတွေးနေလဲ၊ ကွယ်ရာမှာ သူတစ်ခုခုလုပ်ထားရင် ဘယ်လို
လုပ်တာ ဖြစ်ရမယ်၊ ဘယ်လိုပြောတာဖြစ်ရမယ်လို့ ဘုန်းကြီးက
တစ်ခါတစ်လေပြောပြတာပေါ့။ တစ်ခါတစ်လေ တိုက်ဆိုင်မှု့ က 
အံသြစရာ ကောင်းလောက်အောင်တိုက်ဆိုင်တယ်။ စကားလုံး
အတိအကျ၊ ဝါကျအတိအကျထိ တိုက်ဆိုင်သွားတာရှိတယ် ။ 
အဲဒီလိုဖြစ်နေတော့ အဲ့ဒီကလေးက ဘယ်လိုပြောလည်းဆိုတော့
‘အဲ့လောက်ကြီးသိနေတော့လည်း မကောင်းဘူးလို့ ထင်တယ်တဲ့။

ကိုယ်ကို သူများက အကဲခတ်နေတယ်နော်။ လူဆိုတာ တစ်ယောက်နဲ့
တစ်ယောက်တွေ့တာနဲ့ အမြဲတမ်း အကဲခတ်နေကြတယ်။
လူကဲခတ်တတ်သည်ဖြစ်စေ မတတ်သည်ဖြစ်စေ တစ်ယောက်နဲ့
တစ်ယောက်တွေ့ရင် အကဲတော့ခတ်နေတာပဲ။ သူ့စိတ်ထား
ဘယ်လိုရှိလဲ၊ သူ့အသိဉာဏ်၊ သူပြောပုံဆိုပုံပေါ် မူတည်ပြီးတော့ 
သူ့ကို ပြန်ဆက်ဆံတာပဲ။ သူက တည်တည်ငြိမ်ငြိမ်အေးအေးချမ်းချမ်း
နဲ့ ကောင်းတဲ့စကားကို ပြောမယ်၊ အကျိုးရှိတဲ့စကားကိုပြောမယ် 
ဆိုရင် အကောင်းဆုံးလို့ ဆိုချင်တယ်။

လောကမှာ စကားပြောအကောင်းဆုံးသူ

စကားကို ပေါ့ပေါ့တန်တန် မပြောဖို့ သိပ်အရေးကြီးပါတယ်။
ပညာရပ်တစ်ခု အနေနဲ့ လေ့လာပါ။ လေ့ကျင့်ပါ။ စကားနဲ့
ပတ်သက်ပြီး ဘုန်းကြီး စာအုပ်တစ်အုပ်မှာ ရေးထားတာရှိပါတယ်။ 
စာအုပ် နာမည်ကဘာတဲ့တုန်း ။ သတိနဲ့ပြောပါတဲ့။ ဟုတ်တယ်။ 
အဲ့ဒီထဲမှာ သုံးပုဒ်ပါတယ်။ သတိနဲ့ပြောပါ၊ ဒေါသကိုနားလည်ပါ၊ 

အလုပ်တွင် မွေ့လျော်ခြင်း
အလုပ်မှာ ဒေါသဖြစ်ကြတယ်။ အဲဒီတော့ အဲ့ဒီဒေါသကို 
နားလည်ပါ။ အလုပ်မှာ စကားပြောတတ်ဖို့ဟာ တော်တော်
အရေးကြီးတယ်နော်. အလုပ်ဆိုတာ ပြဿနာ တော်တော်များများ
ဖြစ်တဲ့နေရာပဲ။ အဲ့ဒီတော့ အလုပ်ရယ်၊ ဒေါသရယ်၊ သတိနဲ့ပြောပါရယ် 
တစ်ခုနဲ့တစ်ခု စပ်ဆက်မှုရှိနေတယ် ဆိုပြီးတော့ သုံးခု တွဲလိုက်တာပါ။

သတိနဲ့ပြောပါ။ သတိနဲ့ပြောလို့ရှိရင် တဖြည်းဖြည်းနဲ့ သတိ
ကောင်းလာလေလေ ကိုယ်ပြောတဲ့စကားတွေမှာ အပြစ်အနာ
အဆာချို့ယွင်းချက် နည်းလေလေဖြစ်လာမယ်။ ပိုပြီးတော့ 
အကျိုးရှိတဲ့ စကားကို ပြောတတ်လာမယ်။.

သတိနဲ့ပြောလို့ရှိရင် ပြောတဲ့အချိန်မှာကိုက ဉာဏ် ပိုထွက်လာမယ်။ 
အဲဒီတော့ ပိုပြီးတော့ စိတ်ဝင်စားစရာ ကောင်းပြီး အကျိုးရှိတဲ့စကားတွေ၊ 
 ထိရောက်တဲ့စကားတွေ ပြောတတ်တဲ့သူဖြစ်လာပြီ။

လောကမှာ ဘယ်သူတွေလဲဆိုတာ စကားပြောတတ်တဲ့သူတွေဟာ
လက်နဲ့ခြေနဲ့ အလုပ်လုပ်စရာ သိပ့်မရှိတော့ဘူး။ လောကီနဲ့ပြောရမယ်ဆိုရင် 
ဦးနှောက်နဲ့ပဲ သုံးတော့မယ် အနိမ့်ဆုံး လက်မှတ်ထိုးရုံပဲ။ 
အရေးအကြီးဆုံးကဘာလဲဆိုတာ ပြောရမယ်။ အများလက်ခံအောင် 
ဆွေးနွေးပေးရမယ်။ သူ ပြောပုံဆိုပုံအကြောင်းအကျိုး ကိုက်တယ်၊ 
သဘာဝကျတယ်၊ သူ့စေတနာလည်းမှန်ရင် အများက သူ့စကားကို
လက်ခံရင် သူပြောတဲ့ကိစွှ
အတည်ပြုလိုက်ရင် အတည်ဖြစ်သွားပြီပေါ့။ဒါက လောကီပိုင်း။

လောက မှာ စကားပြော အကောင်းဆုံးသူ ဘယ်သူလဲ. မြတ်စွာဘုရား။ 
အကောင်းဆုံးစကားပြောတတ်လို့ ဘုရားဖြစ်တာ။ တရား မဟောတတ်ရင် 
ဘုရားမဖြစ်နိုင်ဘူး။ ဘုရားဟာ အခြေအနေကို လိုက်ပြီး ၊ တရားနာတဲ့သူကို 
လိုက်ပြီး အပိုအလိုမရှိ ဟောပြောနိုင်တယ်။

အဲ့ဒီတော့ စကားဆိုတာ အင်မတန်အရေးကြီးတဲ့ ကိစွှတစ်ခု ဖြစ်တာမို့လို့ 
 စကားပြောတာကို အများကြီး သတိထားပြီး ပြောရမယ်။

ဒီမင်္ဂလသုတ်က လောကီရော လောကုတ္တရာရော နှစ်ဖက်စလုံးမှာ ကြီးပွားရေး၊ 
အောင်မြင်ရေး၊တိုးတက်ရေး အတွက် တကယ်ထိရောက်တဲ့ ပြည့်စုံတဲ့ 
တရားတော်ဖြစ်တယ်။ ဘုန်းကြီး ဒီတရားကို လေးလေးနက်နက် ခံစား
ရတယ်။ ဒါကြောင့် အတတ်နိုင်ဆုံး အသေးစိတ်လေးလေးနက်နက်
သဘောပေါက်ရင် လိုက်နာကျင့်သုံး ရင် အင်မတန်အကျိုးများတယ်။ 
သဘောမပေါက်ဘဲနဲ့ ရွက်နေရင်တော့မရသေးဘူးနော် ။ 
ဒါကြောင့် လေးလေးနက်နက် သဘောပေါက်တဲ့သူတွေ ဖြစ်စေချင်တယ်။



ကမ္ဘာသစ် 

ဗုဒ္ဓ၀ါဒီ စွဲ၍တည်မည်



အိုးမဖုတ်ခင် ၊ အိုးလုပ်စဉ်ဝယ်
အိုးတွင် နှိပ်ခတ်၊၊ တံဆိပ်မှတ်ကာ
မပြတ်မစဲ ၊ အိုးပင်ကွဲလည်း
အမြဲတစေ ၊ တည်ရှိနေသို့
ထွေထွေ သွေးသား ၊ ကလေးများ၌
ဘုရားတံဆိပ် ၊ ဘာသာစိတ်ကို
ခပ်နှိပ်နိုင်မှ ၊ သက်ဆုံးကျအောင်
ဗုဒ္ဓ၀ါဒီ ၊ စွဲ၍တည်မည်
ကိုယ်စီခပ်နှိပ်စေသတည်း ။

အရှင် ဇနကာ ဘိဝံသ
အမရပူရ တောင်မြို့ ၊ မဟာ ဂန္ဓာရုံဆရာတော်

Recent Posts

လစဉ်အလိုက် တင်ခဲ့သော ပိုစ့်များ

Popular Posts

မြန်မာ့မြေ

erer-outer'>