2 3 4 5 6 7 8 9 10

Saturday, August 22, 2015

ပစ္စုပ္ပန်ကိုအသုံးချပါ

      အာရုံကို ပစ္စုပ္ပန်တည့်တည့်တွင်မထားဘဲခုန်ကျော်၍တွေးခြင်း၊ပူပန်ခြင်း၊ကြောင့်ကြခြင်း တို့မည်သည် လူသတ္တ၀ါတို့၏ ဆင်းရဲကြရသောအကြောင်းရင်းကြီးတစ်ပါးဖြစ်၏။ဖြစ်ခဲ့ပြီးသော အတိတ်ကိုတွေးယူ ပူပန်ခြင်း သည်လည်း လူသတ္တ၀ါတို့၏ဆင်းရဲကြရသောအကြောင်းရင်းကြီး တစ်ပါးပင်ဖြစ်၏။ ပစ္စုပ္ပန်၌ အလုပ်ကို အကျိုးရှိအောင်လုပ်ခြင်းသည်သာလိုအပ်သောလမ်းမှန်ဖြစ်သည်။
ငွေဥဒေါင်း၊ဗုဒ္ဓစာပန်းချီ -ဒုတိယတွဲ၊ယက်ကန်းမယ်

ကမ္ဘာကြီးပေါ်မှာလူသားတစ်ဦးရယ်လို့မှဖြစ်လာခဲ့ရင်ကိုယ့်ကမ္ဘာမှာ၊ကိုယ့်နိုင်ငံမှာ၊ကိုယ့်မြို့မှာ၊ ကိုယ့်နာမည် တစ်လုံး ထင်ကျန်ရစ်အောင် မသေခင်ပြုလုပ်ခဲ့ချင်တဲ့  စိတ်ထားလေးလူတိုင်းကိုယ်စီမှာ ရှိကြပါတယ်။ အဲဒီလို ကိုယ့်နာမည်ကောင်းတစ်လုံးပတ်ဝန်းကျင်မှာထင်ကျန်ရစ်ဖို့အတွက် ကိုယ့်ရဲ့အာရုံတွေကို ပစ္စုပ္ပန်မှာ ထားသင့်ပါတယ်။ အတိတ်ကစိတ်ညစ်ဖွယ်အ ဖြစ်အပျက်တွေကိုတွေးပြီးနောင်တ ရနေမယ့်အစား လက်ရှိ ကိုယ့်ရဲ့စိတ်ကိုဖြူစင်သန့်ရှင်းအောင်ထားပြီးအများအတွက်၊ ကိုယ့်အတွက် အကျိုးရှိမယ့် အလုပ်တစ်ခုကို လုပ်ပါ။ အနာဂတ်ကလည်း မသေချာတဲ့ အရာတစ်ခုပါ။ အနာဂတ်ကိုတွေးပြီး စိုးရိမ်သောကရောက်မနေ ပါနဲ့။
ပစ္စုပ္ပန်တိုင်းကိုအကောင်းဆုံးဖြစ်အောင်ကြိုးစားပြီးဖန်တီးနေသူတစ်ယောက်အတွက်အနာဂတ် ဟာတွေးပြီး ပူပင်စရာ မလိုလောက်အောင်ပါပဲ။
လူတော်တော်များများဟာလက်ရှိလုပ်ရမယ့်အလုပ်၊ဖြေရှင်းရမယ့်ပြဿနာတွေကိုဖြစ်နိုင်ရင်ရှောင်ပုန်း ချင်ကြပါတယ်။ အဲဒီလိုရှောင်ပုန်းလို့ရောအလုပ်တွေ၊ပြဿနာတွေကပြီးပြတ်သွားသလား ဆိုတော့မပြီးပြတ် ပါဘူး။ ပိုပြီးရှုပ်ထွေးတဲ့အလုပ်တွေ၊ပြဿနာတွေကိုရင်ဆိုင်ကြရတာပါပဲ။ စာရေးဆရာမင်းခိုက်စိုးစန်(Dr.ကျော်စိုး)ရေးတဲ့ ကလေးအတွေး အက်ဆေးထဲကလိုပေါ့။ ကလေးတစ်ယောက်ဟာ မိုးရွာထဲမှာ ထီးမပါဘဲ ရပ်နေပါတယ်။ တစ်ကိုယ်လုံးလည်းမိုးရွှဲလို့ပေါ့။ ဒါကိုလူကြီးတစ်ယောက်ကမြင်တော့  “သားဘာဖြစ်လို့  မိုးရွာထဲမှာရပ်နေ
ရတာလဲ”လို့မေးတဲ့အခါကလေးက “သားအမေကရေချိုးပေးမှာကြောက်လို့ပုန်းနေတာ”ပါတဲ့။ 

အဲဒီလိုပါပဲ။ လူတော်တော်များများဟာ ပစ္စုပ္ပန်မှာ ရင်ဆိုင်နေရတဲ့ ပြဿနာတွေကိုရှောင်ပုန်း မိရာက ပိုပြီးကြီးမားတဲ့ ပြဿနာတွေကို လက်တွေ့ရင်ဆိုင်ရတော့တာပါပဲ။
လူတွေရဲ့ ကောင်းခြင်း၊ဆိုးခြင်းတွေကိုဖန်တီးပေးနေတာကတော့ပစ္စုပ္ပန်မှာဖြစ်ပေါ်နေတဲ့ စိတ်အာရုံပါပဲ။ စိတ်ဟာထိန်းချုပ်လို့ရပေမယ့်ထိန်းချုပ်ဖို့ရာအင်မတန်ခက်ခဲလှပါတယ်။ အဲဒီလိုထိန်းချုပ်ဖို့ ခက်တဲ့စိတ်ကို သတိတရားလက်ကိုင်ထားပြီးထိန်းချုပ်ဖို့လိုပါတယ်။“စိတ်တစ်ခုကိုနိုင်လျှင် ကိလေသာအကုန်သေတယ်” ဆိုပြီး ဗုဒ္ဓဟောကြားထားတဲ့ အတိုင်း စိတ်ကိုနိုင်အောင် ထိန်းချုပ် ပဲ့ကိုင်နိုင်ရင်လောကီရော ၊လောကုတ္တရာပါ အကျိုးများပါတယ်။ တစ်ခါတစ်ရံမှာ အလုပ်တွေကများပြီး စိတ်ပင်ပန်းတဲ့အခါ ဘ၀ကိုငြီးငွေ့လာတဲ့အခါ ထင်ရာစိုင်းလုပ်မိပြီး မှားတတ်ကြပါတယ်။ အဲဒီလိုအခါမျိုးမှာ သတ်မှတ်ထားတဲ့ စည်းဘောင်တွေကို
မေ့ဖျောက်ပြီး စိတ်ကို အပန်းဖြေပေးပါ။
       ကမ္ဘာလောကကြီးကတော့ သဘာဝအတိုင်း လည်ပတ်နေဦးမှာပါပဲ။ လူတစ်ယောက်မွေးဖွားလာတယ် ။ အသက်ရှင်နေထိုင်တယ်။သေဆုံးသွားတယ်။ ဒါဟာသဘာဝပါပဲ။ သဘာဝလောကကြီးကို အံတုဖို့ မကြိုးစားပါနဲ့။ တန်ဖိုးရှိတဲ့အချိန်တွေကုန်ဆုံးသွားလိမ့်မယ်။ကိုယ်အသက်ရှင်နေထိုင်ရစဉ် ပစ္စုပ္ပန်ကာလ အတွင်းမှာ လုပ်သင့်တာကို လုပ်ပြီး ဘ၀ကို အဓိပ္ပယ်ရှိစွာနေထိုင်နိုင်ဖို့ကြိုးစားပါ။
မနေ့က မှားခဲ့တာမိုက်ခဲ့တာတွေကို မေ့ဖျောက်ပြီး ဒီနေ့မမှားမိအောင် မမိုက်မိအောင်ကိုယ့်ရဲ့ စိတ်အာရုံတွေ ကိုထိန်းချုပ်ပါ။ကိုယ်အသက်ရှင်နေထိုင်ခဲ့တဲ့ ကာလတစ်ခုလုံးကို ခြုံကြည့်လိုက်တဲ့အခါအနည်းငယ်မှားခဲ့ မိ တာ မိုက်ခဲ့မိတာတွေကိုတော့ ခြွင်းချက်အနေနဲ့ လူတိုင်း ခွင့်လွှတ်နိုင်ကြပါတယ်။
“မမှားသောရှေ့နေ၊မသေသောဆေးသမားမရှိ”ဆိုတဲ့ ဆိုရိုးအတိုင်းပေါ့။ တစ်ကြိမ်တစ်ခါလောက် မှားခဲ့မိ တာနဲ့ တစ်ဘ၀လုံး မမှားနိုင်ပါဘူး။ဘ၀ကိုနောက်ပြန်ကြည့်တဲ့အခါနောင်တမရှိစေဖို့ လက်ရှိပစ္စုပ္ပန်အချိန်တိုင်းကို တန်ဖိုးရှိရှိ အသုံးချပါ။

 


Posted by ဘုန်းမြင့်ငြိမ်း on December 29, 2009 at 11:01pm 

 
 

လူနဲ့သစ်ပင်


လူတွေ အရပ်ရှည်လာသလို
သစ်ပင်တွေလည်း အရပ်ရှည်လာတယ် ..


လူက အောက်ဆီဂျင်လိုအပ်သလို
သစ်ပင်တွေကလည်း အောက်ဆီဂျင်လိုအပ်တယ် ..
လူတွေ ရေငတ်သလို
သစ်ပင်တွေလည်း ရေငတ်တယ် ...

မိုးခေါင်ရေရှား ရပ်ဝန်းမှာ
လူက ရေတွင်းနက်နက်တူးပြီး အသက်ရှင်သလို
သစ်ပင်တွေက အမြစ်နက်နက်တူးပြီး အသက်ရှင်တယ် ..

လူတွေက အမိုးအကာနဲ့ အရိပ်ကိုရှာတယ်
သစ်ပင်တွေက အကိုင်းအခက်အရွက်တွေနဲ့ အရိပ်ကိုပေးတယ် ..။

လူတွေက သစ်ပင်တွေကို ခုတ်ဖြတ်သတ်တယ်
သစ်ပင်တွေက လူတွေကို ခုတ်ဖြတ် မသတ်ခဲ့ဘူး ..

လူတွေက မတူကွဲပြားတဲ့ ဘာသာတရားတွေမှာ
ကိုးကွယ်မှုကျွံရင်း အချင်းချင်း ရန်သတ်ကြ၊
သစ်ပင်တွေက သစ္စာတရားကို ကိုးကွယ်ရင်း
တောအုပ်အဖြစ် စုစုစည်းစည်း ..

လူတွေက လူအချင်းချင်း အမဲလိုက်ကြစဉ်
သစ်ပင်တွေက သစ်ပင်အချင်းချင်း အေးအတူ ပူအမျှ ..

လူဟာ သစ်ပင်ကိုမှီရင်း တချို့ ဘုရားဖြစ်ခဲ့တယ်ပြောကြ
သစ်ပင်က မြေကမ္ဘာကို ချစ်ခြင်းဖြင့် သစ္စာမြဲကြတယ် ..

လူတွေ ခြေထောက်နဲ့ ကမ္ဘာပတ်ကြ
သစ်ပင်တွေက အရွေ့မရှိဘဲ လိုရာခရီးကို ဆိုက်ခဲ့တယ် ..

လူတွေ ငိုသလို
သစ်ပင်တွေ မငိုကြွေးကြဘူး ..

လူတွေ အငြိုးအတေးကြီးသလို
သစ်ပင်တွေ ရန်လိုခံခက် အမျက်မထွက်ကြဘူး ..

လူတွေ ဖောက်ပြန်ပျက်စီးနေသလို
သစ်ပင်တွေ ထမီအမျိုးမျိုး လဲမဝတ်ခဲ့ဘူး ..

လူတွေ လက်တွေ့ဘဝက ထွက်ပြေးဖို့ကြိုးစားချိန်
သစ်ပင်တွေ နေရင်းအရပ်မှာ ရပ်မြဲ ရပ်ရင်း ...

လူတွေရဲ့ ဦးခေါင်းဟာ စစ်ပွဲတွေကို ဖန်ဆင်းချိန်
သစ်ပင်တွေရဲ့ မေတ္တာတရားမှာ ပန်းကလေးတွေ ပွင့်ခဲ့တယ် ...။


ကမာပုလဲ

Recent Posts

လစဉ်အလိုက် တင်ခဲ့သော ပိုစ့်များ

Popular Posts

မြန်မာ့မြေ

erer-outer'>